የሪል እስቴት ሽያጭ፣ ግዢ፣ ማማከር እና  ሌሎች ስራዎችን ለመስራት በማሰብ በዘረፉ በተሰማሩ አባለት በመስከረም ወር 2015 ዓ.ም በአዲስ አበባ የተቋቋመው ውቅር ትሬዲንግ ኃ/የተ/የግ ማህበር ያዘጋጀው፤ “የሪል እስቴት እና የባለድርሻ አካላት የግንኙነት መድረክ“ በሚል ባዘጋጀው የውይይት መድረክ በሪል እስቴት ኢንደስትሪው ላይ የተሰማሩ አገር በቀል እና አለም አቀፍ የሪል እስቴት አልሚዎች፣ የሪል እስቴት የሽያጭ አማካሪዎች፣ የኮንስትራክሽን ሥራ ተቋራጮች፣ በፋይናንስ ኢንደስትሪ የተሰማሩ ባንኮች እና ኢንሹራንሶች፣ የግንባታ እቃ አቅራቢዎች እንዲሁም አምራቾች ተሳትፈውበታል።

በመድረኩ ላይ በሪል እስቴት እና በፋይናንስ ዘርፍ የረጅም ጊዜ ልምድ ያካበቱ አንጋፋ ባለሙያዎች በዘርፉ ዙሪያ የተለያዩ ጥናቶች ያቀረቡ ሲሆን  በጥናቶቹም፤ በሪል እስቴት ዘርፍ ላይ የሚስተዋሉ ክፍተቶችና የወደፊት ዕድሎች ምንድን ናቸው? በሚል በኢንጅነር ጌቱ ከበደ እንዲሁም፤ “ ካፒታል ማርኬት እና የሪል እስቴት ዘርፍ እንዴት ይገናኛሉ?” በሚል ርእስ በአንጋፋው የፋይናንስ ባለሙያ፣ የብሩህ ፋይናንስ መስራች እና ባለቤት በሆኑት አቶ ጌታቸው ባሻወርድ ሀሳቦች ተነስተውው ሰፊ ውይይት ተደርጎባቸዋል።